Turkiya taʼlim tizimida ikki xil Universitet bor: Xususiy va Davlat
Quyida XUSUSIY va DAVLAT universitetlarini yoʻnalish, sharoiti, xarajatlari, kontrakt narxi, shartlari haqida maʼlumotlar bor. Davlat va Xususiy universitetlarni bir biri bilan taqqoslab tanishib chiqishingiz mumkin.
XUSUSIY UNIVERSITETLAR HAQIDA
- Xususiy universitetlar IMTIHONSIZ qabul qiladi. Universitetga kontrakt uchun toʻlov qilgan talaba rasman universitet talabasi hisoblanadi
- Universitetga borganda oʻqishni boshlashdan avval til darajani tekshirib koʻradi – tanlagan sohasining taʼlim tiliga qarab tildan imtihon (test, suhbat, yozma ish) topshiradi
- Til darajasi yetarli boʻlmasa avval alohida til oʻrgatadi üniversitetni oʻzida, tilni oʻzlashtirgandan soʻng birinchi kursdan oʻqishni boshlaydi
- Aksariyat xususiy universitetlardagi til kursi narxlari TURK TILI uchun oʻrtacha 1500 $ ni tashkil etadi. Bazılarıda esa undan ham qimmat
- INGLIZ TIL kursi narxi odatda fakultet narxi bilan bir xil boʻladi
Kontrakt narxi
- Tibbiyot, Stomotologiya, Farmatsevtika va Uchuvchilik 10 ming $ dan boshlanadi.
- Qolgan yoʻnalishlar aksariyat universitetlarda 1900 – 8000 $ orasida
Sharoiti haqida
- Xususiy Universitetlarni deyarli barchasi yirik shaharlarda joylashgani sabab oʻqishdan tashqari ishlash imkoniyati nisbatan yuqoriroq
- Oylik yeb ichish va turar joy uchun oʻrtacha 250-300 $ ketadi
DAVLAT UNIVERSITETLARI HAQIDA
(Faqat Bakalavr boʻyicha malumotlar)
- Odatda davlat universitetlari xorijiy talabalarni barcha yoʻnalishlar uchun matematika va mantiqdan test imtihon (YÖS – Yabancı Öğrenci Sınavı) qilib oladi. @YOSEXAMPLE da namuna test savollari bor.
- Matematika va mantiq imtihonidan oʻtgan talaba universitetda tanlangan yoʻnalishining taʼlim tili turk tili boʻlsa turk tilidan ingliz tili boʻlsa ingliz tilidan imtihon topshiradi, til imtihondan oʻtsa birinchi kursdan boshlab oʻqiydi, oʻta olmasa avval universitetda til kursida oʻqib, tilni oʻzlashtirib keyingi yildan birinchi kursdan boshlab oʻqiydi.
- Davlat universitetlarida turk va ingliz til kurslarini narxi deyarli bir xil boʻlib oʻrtacha 1000 $ tashkil qiladi. Til kursini davomiyligi odatda 8 oydan iboratdir.
Kontrakt narxi
- Tibbiyot Stomotologiya Farmatsevtika bular eng qimmat sohalar. Kontrakt narxi 2000 $ dan – 6000 $ gacha
- Qolgan yoʻnalishlar universitetiga qarab oʻrtacha 600 – 700 $
❗️Nisbatan chekka viloyatda joylashgan davlat universitetlariga YÖS siz ham kirsa boʻladi
Sharoiti haqida
- YÖS siz kirishni imkoni bor aksariyat davlat oliygohlari viloyatda joylashgani sabab oʻqishdan tashqari ishlash imkoniyati nisbatan cheklangan.
- Oylik yeb ichish va turar joy uchun oʻrtacha 200 $ ketadi
—————————–
- Kamroq xarajat bilan YÖS asosida oʻqishga kirish uchun ayrim davlat oliygohlari imtihon oʻtkazishga Oʻzbekistonga (Toshkentda) keladi
- Aksariyati esa kelmaydi va ularga Turkiyaga borib imtihon topshirishga toʻgʻri keladi. YÖS imtihoni mavsumi odatda mart-iyul oylarida boʻladi
❗️İstanbul kabi yirik shaharlardagi davlat universitetlari odatda YÖS siz qabul qilmaydi
❗️Davlat universitetiga YÖS siz kirayotganda qabul maktubingizga eʼtibor bering, tanlagan fakultetingiz yozilgan boʻlsin til kursi emas